Rutas
Sabes como ler un código QR?
Os dous sendeiros incluídos na iniciativa Ponteceso. Os Camiños do Mar, a Ruta Camiño da ribeira e a Ruta Pondaliana, son as dúas primeiras rutas 2.0 da comarca da Costa da Morte. No percorrido atoparás 30 códigos QR para consultar in situ cun Smartphone información de interese e ampliar a túa experiencia.
Ruta Camiño da ribeira
Nesta ruta de sendeirismo (PR-G 148) entre Ponteceso e Corme poderás descubrir interesantes mostras do patrimonio natural, cultural e industrial deste municipio. Os oficios que se desenvolveron na enseada da Insua, antigas minas de titanio ou as historias de vellos mariñeiros e de ilustres descubridores.
Ruta Pondaliana
Esta ruta natural que homenaxea ao bardo Eduardo Pondal, percorre os 14 monolitos que marcan lugares significativos na obra do poeta. Ao lado de cada un deles atoparás un código QR para escoitar un poema de Pondal. Recorda! Para non perderte, diríxete sempre cara a onde mira o poeta.
