Tras a bravura das xornadas do inverno, a entrada da primavera empezará a temperar ás nubes, ao vento, ao frío e ao mar para permitir aos camiñantes explorar e descubrir as cores máis vigorosas das dúas rutas incluídas nesta iniciativa “Ponteceso. Os Camiños do Mar”.
O sendeiro do Camiño da Ribeira (PR-G 148) farase livián nos días máis soleados mentres a vista do esteiro do río Anllóns e o olor salgado das ondas te acompaña.
E se a opción é a ruta Pondaliana non hai que esquecerse de ir ata a fervenza da Princesa Moura Encantada, preto do lugar de Currás, para ver a auga caer con todo o seu esplendor cara ao Pozo da Señora.
Sube ata a fervenza e pecha os ollos durante un minuto e pide un desexo non material –isto é moi importante recordalo- co continuo e relaxante caer da auga como son de fondo e baixo o acubillo dunha cúpula de ramas e follas a punto de abrochar.
Se o día está mollado, extrema a precaución ao camiñar.