Faro Roncudo Percebeiro cabo Roncudo Cabo Roncudo Cruces do Roncudo Porto de Corme Corme nevado, 1956 Vistas Dunas da Barra Litoral Niñóns e porto de Santa Mariña. Vista aérea Praia de Ninóns Ponteceso de noite

Ponteceso. Os Camiños do Mar

"Ponteceso. Os Camiños do Mar" ekimenaren xedea Pontecesoko (Costa da Morte - Galizia) udalerriaren inguruneari atxikitako ehun ez-materiala berreskuratzea eta balioztatzea da. Roncudo lurmuturra, lanperna mitikoena; Corme hiribildua, arrantzaren inguruko historiarekin eta merkataritza-itsasketan eta kabotajean dituen sustraiekin; Balarés-eko hondartza, Titaniaren meatze mitikoa hartu zuen eta Anllóns ibai-ertzeko zerratokiekin eta harea-guneekin batera udalerriaren industria-ondarea eratu zuen lekua. Anllóns ibaia, Bergantiños eskualdeko ibaia, Eduardo Pondal Galiziako Rexurdimentoaren (XIX. mendea) poetak abestu zion estuarioan itsasoratzen da, eta marea arteko eremu natural aberatsa sortzen du, Natura 2000 Sareko BGL (Batasunaren Garrantzizko Lekua) eta BBE (Hegaztientzako Babes bereziko Eremua) irudiek babestutakoa. Ibaiaren ur gezak ozeano Atlantikoko kresala dastatzen du Corme eta Laxe itsasadarra eratuz, eta itsasoa bera bihurtzen da mundura irteteko gure ate naturala.

Branco menditik bistak, Ponteceso-tik


Ekimen horren barruko ekintza guztiak natura- eta ondare-baliabideen aprobetxamendu iraunkorrean oinarrituta daude, azpiegitura berriak sortzea saihestuz eta lehengoak berreskuratzea sustatuz bere testuinguruarekin eta gizartearen premia berriekin harmonian, komunikatzeko kanal gisa teknologia berriak erabilita. Baina batik bat, "Ponteceso. Os Camiños do Mar" ekimenak naturarekiko errespetua eta harremana, ondare ez-materiala, intereseko lekuak sustatu nahi ditu, eta baita programa honen etorkizuneko parte-hartzaile edota onuradunen artean jarduera osasungarriak sustatzea ere.  

Horregatik, turismoaren barneko jarduera da, baina beste alderdi batzuk ere badituena, esaterako, osasuna (mendi-ibilaldiak egiteko kirol-jarduera), hezkuntza (ondarea, natura, ibaia, itsasoa eta itsaski-bilketa interpretatzeko aukera), kultura (Eduardo Pondal, Ponteceson jaiotako poetarekiko harremana) eta itsas historia (Titania, Pedra da Serpe, A Estrela uhartea) eta kultura (Mourelle de la Rúa -Cadizko itsasgizon ospetsuen panteoian lurperatua- itsasgizon ospetsuaren irudia,  itsaso Bareko hainbat uharte aurkitu zituena eta Espainiako itsas historiako esploratzaile ezagunenetako bat). Zeharkakotasun hori beste adibide batzuetan ere ikusten da, esaterako, kulturaren eta itsasoarekin zerikusia duten lanbideen kontserbazioan (lanperna-biltzaileak, angula-biltzaileak, Anllónseko harea-biltzaileak, marinelak, kabotajea).

"Ponteceso. Os Camiños do Mar" ekimena turismoa dinamizatzeko ekintza bat da, Pontecesoko (Coruña) udalak sustatutakoa eta Europako Arrantza Funtsak, Galiziako Xuntako Consellería do Medio Rural e do Mar-ek eta Ingurumen eta Landa eta Itsas Ingurunearen Ministerioak kofinantzatutakoa, Kostako Ekintza Taldeko 3. eremuaren - Costa da Morte (GAC 3)- bitartez.

  • GAC 3 Costa da Morte
  • Fondo Europeo de Pesca
  • Ministerio de Agricultura, Alimentación y Medio Ambiente
  • Consellería do Medio Rural e do Mar
  • Web municipal Ponteceso
© 2012 Ponteceso. Os Camiños do Mar