Faro Roncudo Percebeiro cabo Roncudo Cabo Roncudo Cruces do Roncudo Porto de Corme Corme nevado, 1956 Vistas Dunas da Barra Litoral Niñóns e porto de Santa Mariña. Vista aérea Praia de Ninóns Ponteceso de noite

28-03-2014

Ponteceso. Os Camiños do Mar resulta finalista nos premios Heritage in Motion pola divulgación 2.0 do patrimonio da Costa da Morte

Placa colocada na Ruta Camiño da Ribeira

O proxecto "Ponteceso. Os Camiños do Mar" foi elixido finalista dos premios europeos "Patrimonio en Movemento" ("Heritage in Motion", no seu título en inglés) na categoría aplicacións móbiles. O galardón entregarase o vindeiro 25 de abril en Glasgow (Escocia, Reino Unido), durante as xornadas bianuais organizadas polos promotores (25 e 26 de abril). "Os Camiños do Mar" é unha iniciativa de promoción turística baseada nas TIC que a finais de 2012 promoveu o Concello de Ponteceso con financiación europea a través do GAC3 Costa da Morte. A redacción e execución do proxecto foi responsabilidade das empresas Aporta Comunicación e Valora Consultores; mentres que o soporte tecnolóxico correu a cargo de Wireless Galicia.

"Patrimonio en Movemento" é unha iniciativa multimedia, de carácter bianual, patrocinada por Europa Nostra e a European Museum Academy. Os seus obxectivos son, por unha parte, chamar a atención sobre os mellores productos tecnolóxicos que poñen en valor o patrimonio europeo en todas as súas facetas (cultural, natural, material e inmaterial). Pola outra, utilizar as novas tecnoloxías como canle de transmisión actual, innovadora e creativa para atraer e inspirar á xente de todas as idades, sobre todo aos máis novos, para experimentar e coñecer de primeira man a herdanza histórica que dá sentido ás súas comunidades.

Europa Nostra é unha organización cidadá formada por preto de 2.000 membros destinada a salvagardar o patrimonio europeo a través de diversas accións como convocatoria de premios, campañas de promoción e grupos de presión (lobbying). A European Museum Academy céntrase en estimular o pensamento innovador nos museos europeos. É unha entidade internacional sen ánimo de lucro establecida nos Países Baixos, auspiciada polo Consello de Europa co patrocinio da Raíña Fabiola de Bélxica. En días pasados, o comité de selección comunicoulle aos candidatos a súa nominación nalgunha das cinco categorías do premio: vídeo, páxinas web, aplicacións móbiles, xogos ou mellores logros, relacionadas á súa vez coa temática educativa, lúdica ou informativa. A finais de abril, durante o congreso bianual, un xurado internacional elixirá os ganadores de cada sección durante a gala "Heritage in Motion Festival Awards". 

En días pasados, o comité de selección comunicoulle aos candidatos a súa nominación nalgunha das cinco categorías do premio: vídeo, páxinas web, aplicacións móbiles, xogos ou mellores logros, relacionadas á súa vez coa temática educativa, lúdica ou informativa. A finais de abril, durante o congreso bianual, un xurado internacional elixirá os ganadores de cada sección durante a gala "Heritage in Motion Festival Awards".

Primeiras rutas 2.0 da Costa da Morte

Excursionistas na Ruta Camiño da Ribeira

No ano e pico que a iniciativa "Ponteceso. Os Camiños do Mar" leva activa, convidouse ao viaxeiro a gozar da súa visita a Ponteceso dun xeito experiencial, achegándose ao territorio e indo máis aló da gastronomía, das praias ou da contemplación da paisaxe. A través de dúas rutas (Camiño da Ribeira e Pondalina) sinalizadas e xeolocalizadas mediante unha trintena de paneis interactivos, o visitante descobre a interesante relación do municipio co mar, co transporte marítimo, coa cultura mariñeira e coa contorna que rodea ao litoral pontecesán sen guías presenciais, só utillizando un teléfono intelixente ou smartphone

Cada un dos paneis leva incorporadas tres vías de acceso aos contidos albergados na plataforma iBeaken: código QR, antena NFC e código de acceso á web corporativa. O usuario elixe aquela coa se senta máis cómodo no momento da camiñada.

Estatísticas

Hai que recordar que "Ponteceso. Os Camiños do Mar" tamén ten presenza nas redes sociais Facebook, YouTube, Flirck e Panoramio onde está acadando un notable seguimento e aceptación. En concreto, o potencial dos 27 vídeos queda patente coas case 8.200 reproducións e os máis de 22.000 minutos visionados por usuarios de España, a maioría, pero tamén en países como Suíza e outros da Unión Europea (Italia, Reino Unido, Alemaña, Portugal, Francia, Países Baixos,...) ou de Estados Unidos, Canadá, Australia, Rusia e incluso Xapón.

En canto ás consultas dos contidos iBeaken durante o percorrido polas rutas Camiño da Ribeira e Pondaliana, desde o lanzamento da plataforma recibíronse máis de 7.400 visitas, rexistrándose descargas todos os meses.

  • GAC 3 Costa da Morte
  • Fondo Europeo de Pesca
  • Ministerio de Agricultura, Alimentación y Medio Ambiente
  • Consellería do Medio Rural e do Mar
  • Web municipal Ponteceso
© 2012 Ponteceso. Os Camiños do Mar