Venancio Fernández Rama (1937), "Calviño", foi ata hai poucos anos anguleiro afeccionado que durante 47 invernos, desde que seu irmán o iniciou nesta arte en 1963 e ata o 2010-. Cada "escurada" -nas noites de tempo máis negro e revolto- ía cara ao esteiro do río Anllóns desde a súa casa na parroquia de Tella cargado cos seus aparellos para coller as angulas. Nos últimos tempos, acompañábao a súa muller. De non ser pola regulación imposta para este especie, confesan os dous, seguirían levantándose cada madrugada para chegar á ribeira durante a cabeza de marea.